Հայկական կողմը պատրաստ է Լեռնային Ղարաբաղի հիմնախնդրով բանակցային գործընթացը վերսկսել ԵԱՀԿ Մինսկի խմբի շրջանակում: Այս մասին հունվարի 20-ին Ազգային ժողովի նիստում ասաց ԱԳ նախարար Արա Այվազյանը՝ մեկնաբանելով Ղարաբաղի առումով Հայաստանի առաջնահերթություններին առնչվող պատգամավորների հարցը:
Ընդ որում, ինչպես նշեց նախարարը, բանակցությունները վերսկսվելու են այն անփոփոխ սկզբունքների շրջանակում, որոնցով նախկինում կողմերի միջեւ պայմանավորվածություններ էին ձեռք բերվել:
«Մեզ համար առաջնահերթ հարցը ապաօկուպացիան է, եւ հայ բնակչության անվտանգ վերադարձը իրենց բնակավայրեր: Երրորդը Ղարաբաղին հումանիտար օգնության անխափան մատակարարման ապահովումն է, որը ցուցաբերում է միջազգային հանրությունը, մասնավորապես՝ միջազգային կառույցները: Չորրորդը վերաբերում է մեր մշակութային եւ կրոնական ժառանգության անխաթարության պահպանմանը»,- ասաց Այվազյանը:
Իսկ ինչ վերաբերում է Շուշիի վերաբերյալ Ադրբեջանի նախագահի վերջին հայտարարություններին, ապա, ինչպես նշեց ՀՀ արտաքին քաղաքականության գերատեսչության ղեկավարը, այդ քաղաքը հայ ժողովրդի մշակութային կենտրոնն է:
«Անկախ այնհանգամանքից, թե ով եւ ինչ է հայտարարում, մենք չեն համաձայնվի, որ Շուշին կարող է դառնալ թյուրքական մշակութային կենտրոն, եւ ես համոզված եմ, որ մենք այդ կապակցությամբ կստանանք միջազգային հանրության աջակցությունը»,- ամփոփեց նախարարը: