Հայաստանի համար առաջնահերթ է ռազմագերիների վերադարձի հարցը: Այս մասին ԱԺ նիստում հայտարարեց ՀՀ արտաքին գործերի նախարար Արա Այվազյանը՝ պատասխանելով «Իմ քայլի» պատգամավոր Տաթեւիկ Հայրապետյանի համապատասխան հարցին:
Նախարարի խոսքով՝ տվյալ ողբերգությունը վկայում է այն մասին, որ Բաքուն առաջին պլան է մղում կեղծ օրակարգ:
«Խոսվում է տարածաշրջանի խաղաղ զարգացման մասին, սակայն մենք դիվանագիտական խողովակներով աշխարհին ցույց ենք տալիս, թե ինչ իրավիճակ է իրականում, եւ որ Ադրբեջանը պատրաստ չէ խաղաղության: Սկզբի համար պետք է համապատասխան մթնոլորտ ստեղծել: Մինչ օրս մենք նման քայլեր չենք տեսնում»,-եզրափակեց Այվազյանը: