Լեռնային Ղարաբաղի կարգավիճակի հետագա հստակեցումը պետք է տեղի ունենա ԵԱՀԿ Մինսկի խմբի համանախագահության շրջանակներում: Այս մասին հունվարի 20-ին Ազգային ժողովի նիստում ասաց ՀՀ վարչապետ Նիկոլ Փաշինյանը՝ պատասխանելով «Բարգավաճ Հայաստան» կուսակցության պատգամավոր Արթուր Դալլաքյանի հարցին:
Նրա խոսքով, Ղարաբաղի հետագա կարգավիճակի հստակեցումը բանակցային գործընթացի ամենակարեւոր հարցերից մեկն է:
«Այս հարցը պետք է լուծվի ԵԱՀԿ Մինսկի խմբի համանախագահության շրջանակներում: Ուրախ եմ, որ համանախագահող երկրները կիսում են այս դիրքորոշումը»,- ասաց Փաշինյանը:
Վարչապետը նաեւ հավելեց, որ այս համատեքստում է արվել նաեւ Ռուսաստանի արտգործնախարար Սերգեյ Լավրովի վերջերս արած հայտարարությունը: