Մոսկվայում տեղի է ունեցել Ռուսաստանի արտգործնախարար Սերգեյ Լավրովի ավանդական հանդիպումը ԱՊՀ անդամ երկրների դեսպանների հետ, որին մասնակցել են նաեւ ԱՊՀ գործադիր կոմիտեի նախագահ, ԱՊՀ գործադիր քարտուղար Սերգեյ Լեբեդեւը, ՀԱՊԿ գլխավոր քարտուղար Ստանիսլավ Զասը եւ Եվրասիական տնտեսական հանձնաժողովի խորհրդի նախագահ Միխայիլ Մյասնիկովիչը:
Ինչպես հայտնում է ՌԴ ԱԳՆ-ը, զրույցի ընթացքում ամփոփվել են ԱՊՀ, ՀԱՊԿ եւ ԵԱՏՄ շրջանակներում 2020թ. համատեղ աշխատանքի արդյունքները, նախանշվել են համագործակցության զարգացման հետագա քայլերը: Ընդգծվել է հետխորհրդային տարածքում բազմամակարդակ ինտեգրացիոն գործընթացների խթանման կարեւորությունը:
Մասնակիցները նաեւ մտքեր են փոխանակել արդի միջազգային եւ տարածաշրջանային թեմաների շուրջ: