News
Լրահոս
News
Երեքշաբթի
Մարտ 19
Տեսնել լրահոսը

Բայդենի վարչակազմը Ռուսաստանին առաջարկում է հինգ տարով երկարաձգել СНВ նոր պայմանագիրը, որը սահմանափակում է ԱՄՆ-ի եւ Ռուսաստանի ռազմավարական միջուկային սպառազինությունների քանակը, հաղորդում է Reuters-ը՝ հղում անելով պաշտոնյաներին:

Առաջարկը փոխանցվել է Ռուսաստանի պաշտոնատար անձանց, ասել է պաշտոնյան: ԱՄՆ երկրորդ պաշտոնյան, որը նույնպես խնդրել է չհրապարակել իր անունը, հաստատել է առաջարկը, բայց մանրամասներ չի հաղորդել:

Բայդենի ազգային անվտանգության հարցերով խորհրդական Ջեք Սալիվանը նախատեսում է հինգշաբթի կեսօրին ԱՄՆ-ում Ռուսաստանի դեսպան Անատոլի Անտոնովին հանձնել երկարաձգման առաջարկը, ասել է պաշտոնյան:

Պայմանագրի ժամկետն ավարտվում է փետրվարի 5-ին:

Նախագահ Դոնալդ Թրամփը սուր քննադատության է ենթարկել գործարքը՝ պնդելով, որ այն ԱՄՆ-ին դրել է ոչ շահեկան վիճակի մեջ: Նրա վարչակազմը սպասում էր մինչեւ անցյալ տարի, որպեսզի Ռուսաստանին ներգրավեր պայմանագրի ապագայի վերաբերյալ առարկայական բանակցություններում: Թրամփը պնդում էր այդ պայմանագրում ներառել Չինաստանին, սակայն Պեկինը միանգամից մերժեց գաղափարը:

!
Այս նյութը հասանելի է նաև   English and Русский
Տպել
Ամենաշատ