SpaceX եւ Tesla ընկերությունների գործադիր տնօրեն Իլոն Մասկը 100 մլն դոլար է խոստացել ածխաթթու գազի որսման լավագույն տեխնոլոգիայի ստեղծողին: Այս մասին նա գրել է Թվիթթերի իր էջում:
«Ես 100 մլն դոլար կնվիրաբերեմ որպես մրցանակ ածխաթթու գազի որսման լավագույն տեխնոլոգիայի համար»,-գրել է Մասկը՝ հավելելով, որ կբացահայտի իր առաջարկի մանրամասները հաջորդ շաբաթ:
ՌԲԿ-ի հաղորդմամբ՝ հիմնական նպատակն է գլոբալ տաքացման եւ շրջակա միջավայրի աղտոտման դեմ պայքարը: