Հայաստանի արտաքին գործերի նախարար Արա Այվազյանն այցելել է Վրաստան ոչ պաշտոնական այցով: Այդ մասին հայտնում է Վրաստանի ԱԳՆ մամուլի ծառայությունը, հաղորդում է «Նովոստի-Գրուզիա»-ն:
Այվազյանին ընդունել է նրա վրացի գործընկերը՝ փոխվարչապետ Դավիթ Զալկալիանին: Ինչպես նշվում է, նրանց ծանոթությունը կայացել է Կախեթի շրջանի Ցինանդալի գյուղում:
Ոչ ֆորմալ հանդիպման ժամանակ ԱԳ նախարարները քննարկել են Վրաստանի եւ Հայաստանի միջեւ բարիդրացիական հարաբերությունները, համագործակցության ընթացիկ օրակարգը եւ հարաբերությունների խորացման հետագա հեռանկարները:
Մինչդեռ Հայաստանի ԱԳՆ-ն տարածել է մամուլի հաղորդագրություն՝ հայտնելով Հայաստանի ԱԳՆ Արա Այվազյանի՝ Վրաստան կատարած աշխատանքային այցի մասին:
Ֆեյսբուքյան իր էջում Հայաստանի Հանրապետական կուսակցության փոխխոսնակ Արմեն Աշոտյանն այդ կապակցությամբ նշել է. «Հայաստանի ԱԳՆ-ն հայտնեց, որ անբարոյական սրիկայի մոտ ԱԳ նախարար աշխատողը աշխատանքային այցով Վրաստանում է։
Վրաստանի ԱԳՆ-ն իր հերթին այցի մակարդակը էլ ավելի է իջեցնում, անվանելով այն ոչ թե աշխատանքային, այլ ոչ ֆորմալ։
Առաջին հայացքից է սա մանրուք։ Դիվանագիտության մեջ շատ բան մանրուքներով են ի ցույց դնում։
Քանի սրանք են մեզ ներկայացնում, այդպես է լինելու բոլոր մակարդակներում։
Անգամ հարեւանների մոտ»: