Աֆղանստանի մայրաքաղաք Քաբուլում պայթեցրել են Իտալիայի դեսպանատան զրահապատ մեքենան, հաղորդում է Tolo News-ը:
Մեկ մարդ վիրավոր է:
«Իտալիայի դեսպանատան մեքենան եղել է գործի դրված ինքնաշեն պայթուցիկ սարքի թիրախը: Մեկ մարդ վիրավոր է»,-հեռուստաալիքը մեջբերում է անվտանգության ծառայության աղբյուրի խոսքը, որը մեջբերում է ՏԱՍՍ-ը:
Աղբյուրը հայտնել է, որ խոսքը մեքենայի մասին է, որով տեղափոխվում են դեսպանատան աշխատակիցները: Դեռ ոչ ոք չի ստանձնել ահաբեկչության համար պատասխանատվությունը: