Այսօր՝ կեսգիշերն անց, Վրաստանի Քվեմո Փոնիճալա բնակավայրի մոտակայքում անհայտ անձինք քարեր են նետել հայկական բեռնատարների ուղղությամբ, ջարդել որոշ բեռնատարների դիմային ու կողային ապակիները եւ փախել դեպքի վայրից։ Այս մասին հայտարարություն է տարածել Վրաստանում ՀՀ դեսպանությունը:
Հայտարարությունում նաեւ ասվում է. «Այնուհետեւ բեռնատարները պարեկային ոստիկանության ուղեկցությամբ հասել են վրաց-հայկական սահման եւ հատել այն։
Վրաստանի ներքին գործերի նախարարությունը սույն դեպքի առնչությամբ քրեական գործ է հարուցել։
Վրաստանում ՀՀ դեսպանությունը մշտական կապ է պահպանում Վրաստանի պատկան մարմինների հետ եւ միաժամանակ ակտիվ աշխատանք կատարում, որպեսզի մեղավորներն օրենքի շրջանակներում պատասխանատվության ենթարկվեն, եւ բացառվի նման դեպքերի կրկնությունը:
‼️Հայտարարություն‼️ Այսօր՝ կեսգիշերն անց, Վրաստանի Քվեմո Փոնիճալա բնակավայրի մոտակայքում անհայտ անձինք քարեր են նետել...
Опубликовано Վրաստանում Հայաստանի դեսպանություն - Embassy of Armenia to Georgia Понедельник, 25 января 2021 г.