Նուբար Աֆեյանի Moderna ընկերությունը հայտարարել է, որ COVID-19-ի դեմ պատվաստանյութը պաշտպանում է կորոնավիրուսի նոր տարբերակներից, որոնք հայտնաբերվել են Մեծ Բրիտանիայում եւ Հարավային Աֆրիկայում:
Ընկերությունը հաղորդել է, որ Մեծ Բրիտանիայում հայտնաբերված տարբերակի դեմ հակամարմինների արձագանքի նվազում չի դիտարկվել: Հարավային Աֆրիկայում հայտնաբերված տարբերակի դեմ նվազ արդյունք է գրանցվել, բայց ընկերությունը կարծում է, որ պատվաստման երկու դեղաչափերի ռեժիմը պաշտպանություն կապահովի:
Մեծ Բրիտանիայում, Հարավային Աֆրիկայում եւ Բրազիլիայում նոր տարբերակների ի հայտ գալը առաջացրել է որոշ մտավախություններ, որ վիրուսի մուտացիաները կարող են պատվաստանյութերը պակաս արդյունավետ դարձնել: