Ապստամբության տակ հասկանում եմ շենքեր գրավելը եւ զոռով իշխանություն փոխելը՝ առանց ֆիզիկական բռնության: Այս մասին այսօր՝ հունվարի 26-ին, Արարատի մարզում լրագրողների հետ զրույցում նշեց «Հայրենիքի փրկության շարժման» վարչապետի թեկնածու Վազգեն Մանուկյանը՝ անդրադառնալով հարցին, թե ինչ նկատի ուներ, երբ ասում էր, որ իշխանափոխության հասնելու ճանապարհներից մեկը սահմանադրական ճանապարհն է, մյուսը ապստամբության:
Դիտարկմանը, որ փորձելու են Նիկոլ Փաշինյանի մեթոդներով իր դեմ պայքարե՞լ, նա պատասխանեց. «Նիկոլ Փաշինյանը նոր մեթոդ չի հնարել, ինքն օգտագործել է այդ մեթոդը շատ կեղտոտ ձեւով»:
Հարցին, թե ո՞րն է այն սահմանագիծը, երբ կհասկանաք, որ սահմանադրական ճանապարհով հնարավոր չէ հասնել իշխանափոխության. «Ես չեմ հասկանա, ժողովուրդն ինքը կհասկանա, կանի»: