Լոռու մարզի Մղարթ գյուղում գտնվող ոսկու հանքավայրի շահագործման հետ կապված քրեական գործ է հարուցվել: Այս մասին լրագրողների հետ հանդիպման ժամանակ ասաց ՀՀ շրջակա միջավայրի նախարար Ռոմանոս Պետրոսյանը: Նախարարը պարզաբանեց, որ համապատասխան նամակը նա ստացել է ՀՀ ոստիկանապետից՝ ի պատասխան իր հարցմանը:
Անդրադառնալով Ամուլսարի շուրջ իրավիճակին՝ Պետրոսյանն ընդգծեց, որ քանի դեռ քրեական գործը չի ավարտվել, ինքը չի կարող որեւէ գնահատական տալ կամ եզրակացություն անել: «Քանի որ քրեական գործով նոր փաստեր չկան, մենք չենք կարող դրանք ուսումնասիրության առարկա դարձնել»,-եզրափակեց Պետրոսյանը:
