Վարչապետ Բորիս Ջոնսոնն իր «խորին ցավակցությունն» է հայտնել նրանց, ում հարազատները մահացել են Covid-19-ից, եւ խոստացել է պահպանել նրանց մտերիմների հիշատակը: Նրա մեկնաբանությունները հնչել են կապված այն բանի հետ, որ, կառավարության տվյալներով, կորոնավիրուսից մահացությունների թիվը գերազանցել է 100 000-ը, չնայած վիճակագրական գործակալությունների կողմից հրապարակված առանձին թվեր վկայում են 115 000 մահվան մասին:
«Կարծում եմ, որ այս օրը պետք է պարզապես կրկնեմ, որ խորապես ափսոսում եմ յուրաքանչյուր կորած կյանքի համար եւ, իհարկե, որպես վարչապետ, ես ստանձնում եմ ամբողջ պատասխանատվությունը այն ամենի համար, ինչ արել է կառավարությունը: Այն, ինչ կարող եմ ձեզ ասել, այն է, որ մենք իսկապես արեցինք ինչ կարող էինք եւ շարունակում ենք անել մեր ուժերի ներածին չափով մարդկային կորուստները նվազագույնի հասցնելու եւ տառապանքները նվազագույնի հասցնելու համար»,- ասել է Ջոնսոնը:
Անգլիայի գլխավոր բժիշկ, պրոֆեսոր Քրիս Ուիթին նախազգուշացրել է, որ «առաջիկա մի քանի շաբաթներին դեռ շատ մարդիկ կմահանան, մինչ պատվաստանյութերի ազդեցությունը կսկսվի»:
Նա շեշտել է, որ Մեծ Բրիտանիայում Covid-19-ով հիվանդանոցում գտնվողների թիվը շարունակում է մնալ «աներեւակայելի բարձր» եւ «զգալիորեն գերազանցում է ապրիլյան գագաթնակետը»: