Պատերազմի ընթացքում հարկ վճարողների վարքագծի որոշակի փոփոխություն նկատեցինք եւ զգացինք, որն արտահայտվում էր կարգապահության առավել բարձր աստիճանով, ինչը չափազանց կարեւոր է: Այս մասին, այսօր՝ հունվարի 27-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Մենք ուզում էինք արձանագրել հարկեր գեներացնելու եւ հարկեր վճարելու քաղաքացիների գործունեության եւ պետության կարողունակության հարցը: Այս գիտակցումը պետք է լրջորեն խրախուսել, որովհետեւ ցՑանկացած պետության հզորություն կախված է նրանից, թե տվյալ երկրում քաղաքացիները տնտեսական գործունեություն ծավալելու ինչ հնարավորություններ ունեն, ինչ արդյունք են գեներացնում եւ ինչպես են հարկային պարտավորությունները կատարվում:
Հարկային կարգապահությունը բարելավելը ռազմավարական խնդիր է եւ առաջարկվում է պարտաճանաչ հարկատուների նկատմամբ վստահության բարձր աստիճան ունենալ եւ հարմարավետ պայմաններ ստեղծել»,-ասաց Փաշինյանը:
Ֆինանսների նախարար Ատոմ Ջանջուղազյանն անդրադառնալով հարկ վճարողի օր սահմանելու իօրենսդրական նախաձեռնությանն, ասաց, որ դա էմոցիոնալ դաշտում փոփոխություն է, քանի որ հեռանկարում այդ կազմակերպությունները վարկանշավորվելու են:
