Հիմա «թվային հսկաները» մեծ դեր են խաղում հանրության կյանքում եւ մի շարք ուղղություններով արդեն մրցակցում են պետությունների հետ, այսօր տեսակապով ելույթ ունենալով «դավոսյան շաբաթի» շրջանակում ասել է ՌԴ նախագահ Վլադիմիր Պուտինը, փոխանցում է ՏԱՍՍ-ը:
Նա նշել է, որ ժամանակակից տեխնոլոգիական եւ առաջին հերթին թվային հսկաները սկսել են ավելի նշանակալի դեր խաղալ հանրության կյանքում:
«Հիմա այդ մասին շատ են խոսում, հատկապես իրադարձությունների վերաբերյալ, որոնք նախընտրական քարոզարշավի ժամանակ տեղի են ունեցել [Միացյալ] Նահանգներում,- նշել է Պուտինը: - Դրանք արդեն ոչ թե ինչ-որ տնտեսական հսկաներ են. առանձին ուղղություններով դրանք արդեն դե ֆակտո մրցակցում են պետությունների հետ»: