Հունվարի 27-ին տեղի է ունեցել Արցախի Ազգային ժողովի ֆինանսաբյուջետային և տնտեսական կառավարման հարցերի մշտական հանձնաժողովի նիստը՝ Արթուր Հարությունյանի նախագահությամբ: Օրակարգում «Հաշվեքննիչ պալատի նախագահի թեկնածության և Ազգային ժողովին այդ պաշտոնին թեկնածու առաջարկելու մասին» հարցն էր:
Հաշվեքննիչ պալատի նախագահի պաշտոնի համար առաջադրվել են երկու թեկնածու՝ Դավիթ Գալստյանը և Վահրամ Բաղդասարյանը: Հիմնական զեկուցմամբ հանդես եկան «Արդարություն» խմբակցության պատգամավոր Կարեն Հովհաննիսյանը «Ազատ հայրենիք- ՔՄԴ» խմբակցության քարտուղար Էլեոնորա Ավանեսյանը:
Հարց ու պատասխանի, մտքերի փոխանակության, «Հաշվեքննիչ պալատի մասին օրենքում փոփոխություններ մտցնելու մասին» պատգամավորների հնչեցրած առաջարկություններից հետո, քվեարկության դրվեց թեկնածուների ընտրությունը:
Հանձնաժողովը 2 կողմ, 3 դեմ, 1 ձեռնպահ ձայների հարաբերակցությամբ քվեարկել է «Արդարություն» խմբակցության կողմից առաջադրված թեկնածու Դավիթ Գալստյանի օգտին, իսկ «Ազատ հայրենիք- ՔՄԴ» խմբակցության ներկայացրած թեկնածու Վահրամ Բաղդասարյանի օգտին՝ 4 կողմ, 2 դեմ: «ԱԺ կանոնակարգ» օրենքի 128-րդ հոդվածի 7-րդ կետի համաձայն հանձնաժողովը 24 ժամվա ընթացքում ԱԺ նախագահին կներկայացնի հանձնաժողովի նիստի արձանագրության քաղվածքը:
