Չինաստանը Հնդկաստանի կառավարության` 59 չինական հավելվածների արգելքն ուժի մեջ պահելու որոշումը որպես Առևտրի համաշխարհային կազմակերպության արդար բիզնեսի վարման կանոնների խախտում է որակել, հաղորդում է Reuters-ը:
Ավելի վաղ Հնդկաստանի կառավարությունը որոշում էր կայացրել պահպանել TikTok-ի եւ այլ հավելվածների արգելքը:
«Մենք հնդկական կողմին կոչ ենք անում անհապաղ շտկել իր խտրական միջոցները եւ հետագայում խուսափել երկկողմ համագործակցությանը վնաս հասցնելուց»,- ասված է Հնդկաստանում Չինաստանի դեսպանության ներկայացուցիչ Ցզի Ժունի հայտարարության մեջ: