ԱՄՆ զինվորականները կրկին անգամ B-52 ռմբակոծիչով թռել են Մերձավոր Արեւելքի վրայով` «հավանական ագրեսիան զսպելու համար» Իրանի հետ լարվածության ֆոնին, հաղորդում է AP-ն:
B-52-ը թռել է Լուիզիանայի ռազմաօդային ուժերի Բարքսդեյլ բազայից: Հաղորդվում է, որ ինքնաթիռը թռել է Պարսից ծոցի եւ Սաուդյան Արաբիայի վրայով:
Ավելի ուշ ԱՄՆ կենտրոնական հրամանատարությունը հրապարակել էր Սաուդյան Արաբիայի ՌՕՈւ-ի F-15-ի հետ միասին թռնող ռմբակոծիչի լուսանկարները:
Առանց Իրանը հիշատակելու իր հայտարարության մեջ` Կենտրոնական հրամանատարությունը նշել է, որ թռիչքը պետք է «ցույց տար ԱՄՆ-ի հանձնառությունը տարածաշրջանային անվտանգությանը»:
Սա արդեն երրորդ նման օպերացիան է այս տարվա ընթացքում:
