Ռուսաստանի «ագրեսիվ գործողությունները» ՆԱՏՕ-ի հիմնական մարտահրավերներից են առաջիկա տարիներին, որոնք թվարկվել են կազմակերպության գլխավոր քարտուղար Յենս Սթոլթենբերգի կողմից: Այս մասին ասվում է կազմակերպության ռազմական կոմիտեի նախագահ Ստյուարտ Փիչի հայտարարության մեջ, փոխանցում է DW- ն:
Փիչի խոսքով` Սթոլթենբերգը դիմել է դաշինքի պաշտպանության նախարարներին եւ «կիսվել իր հայացքներով» միջազգային անվտանգության հետ կապված իրավիճակի վերաբերյալ: «Գլխավոր քարտուղարը կոչ է արել դաշնակիցներին շարունակել ավելացնել պաշտպանական ծախսերը, ժամանակակից տեխնոլոգիաներ ներդնել եւ ապահովել, որպեսզի մեր զինված ուժերը պատրաստ լինեն դիմակայել այնպիսի մարտահրավերների, ինչպիսիք են Ռուսաստանի ագրեսիվ գործողությունները, ահաբեկչությունը եւ Չինաստանի վերելքի հետ կապված ռիսկերը»,- ասվում է նրա հայտարարության մեջ: «ՆԱՏՕ-ն աշխարհի ամենահաջողված ռազմական դաշինքն է, քանի որ մենք ունակ ենք ադապտացվել»,- ընդգծել է Ստյուարտ Փիչը:
