Հայաստանը շարունակում է Ղարաբաղի անվտանգության երաշխավորը մնալ: Այդ մասին փետրվարի 2-ին ՀՀԱզգային ժողովում կայացած մամուլի ասուլիսին հայտարարել է ԵԽԽՎ-ում հայկական պատվիրակության ղեկավար, արտաքին հարաբերությունների մշտական խորհրդարանական հանձնաժողովի նախագահ, «Իմ քայլը» իշխող դաշինքի պատգամավոր Ռուբեն Ռուբինյանը:
Ընդ որում, նա նշել է, որ Եվրամիությունը եւ Եվրախորհուրդը տարբեր կառույցներ են, եւ գերիների հարցը վերաբերում էր հենց Եվրախորհուրդին: «Վերջերս ԵՄ ներկայացուցիչը եւս հայտարարությամբ հանդես եկավ` կոչ անելով վերադարձնել ռազմագերիներին»,- նշել է Ռուբինյանը` հավելելով, որ Եվրոպան, ընդհանուր առմամբ, տարբեր է եւ շատ տարասեռ: Ըստ նրա` շատերին թվում է, որ Եվրոպան ինչ-որ միատարր կառույց է` չնայած դա բացարձակապես այդպես չէ:
