Դանիան նախատեսում է Հյուսիսային ծովում կառուցել հողմային էներգետիկայի աշխարհում առաջին կղզին, որը հնարավորություն կտա բավարար էներգիա արտադրել երեք միլիոն եվրոպական տնային տնտեսությունների համար, գրում է The Independent- ը:
Կղզին, որն ի սկզբանե ունենալու է 18 ֆուտբոլային դաշտի չափ, կմիանա 200 ծովային հողմային տուրբիններին, որոնց օգնությամբ այն էներգիա կկուտակի ու կբաշխի:
Էլեկտրաէներգիան կմատակարարվի նավերին, օդանավերին, արդյունաբերությանը եւ ծանր տրանսպորտին, ինչպես նաեւ՝ տներին:
Ինչպես նշում է Euronews-ը, այս նախագիծը խոշորագույնն է համարվում Դանիայի պատմության մեջ:
Իրականացման մոտավոր արժեքը 28 միլիարդ եվրո է: Այն նախատեսվում է ավարտել մինչեւ 2033 թվականը:
