ՆախընտրելիԱնհետ կորած զինծառայողների հարազատներից մի քանիսը քիչ առաջ վարչապետ Նիկոլ Փաշինյանի հետ հանդիպում են ունեցել։ Այս մասին Ֆեյսբուքի իր էջում հայտնեց անհետ կորածի հարազատ Արսեն Նիկողոսյանը։
«Հանդիպմանը մասնակցել է նաեւ վարչապետի աշխատակազմի ղեկավար Արսեն Թորոսյանը։ Նա հետեւյալ արտահայտությունն է արել, որ մենք պետք է շնորհակալ լինենք, որ գոնե 5 գերու են հետ բերել։ Հիմա այս գեղեցիկ «բանբաներկան», Իջեւանի վարդագույն գինին ուղարկում ենք Արսեն Թորոսյան, քեզ, սա մեր «շնորհակալությունն» է, որ ապրեք, զարգանաք, բարգավաճեք, ծլեք-ծաղկեք, որ կարողացաք գոնե այդ հինգ գերուն բերել»,- հեգնանքով նշեց Արսեն Նիկողոսյանը։
Ապա անհետ կորածի հարազատը փորձեց այդ ամենը փոխանցել Կառավարությանը, սակայն ոստիկանության աշխատակիցները թույլ չտվեցին նրան։
