Մասնագետները գիտության համար պայթող մրջյունների նոր տեսակ են հայտնաբերել: Միջատներն ապրում են Հարավարեւելյան Ասիայում, հայտնում է Planet- today-ը:
Ավստրիայի եւ Բրունեյի գիտնականները, ովքեր հետազոտական աշխատանքներ են իրականացրել Բորնեո կղզում, զարմանալի մրջյուններ են գտել, որոնք կարող են պայթել: Նոր տեսակը ստացել է Colobopsis explodens անվանումը:
Colobopsis explodens պայթող մրջյունները յուրահատուկ հատկություն ունեն. վտանգի դեպքում նրանք սկսում են կտրուկ սեղմել որովայնի մկանները: Դա մարմնի պատռման եւ թունավոր նյութի արտադրության է հանգեցնում: Փորձագետները պարզել են, որ այս պահվածքը բնորոշ է միայն աշխատողների դասին: Բացի այդ միջատների նոր տեսակների հիերարխիայում մրջյունների հազվագյուտ դաս գոյություն ունի: Նրանք շատ խոշոր գլուխ ունեն, որն ավելի մեծ է, քան մարմինը: Նման կառուցվածքի շնորհիվ միջատները ամբողջովին փակում են մրջնաբույնի մուտքերը: Արդյունքում գիշատիչները չեն կարողանում տուն մտնել:
Կամիկաձե միջատները չափազանց հազվադեպ են հանդիպում բնության մեջ, ուստի հայտնագործությունը մեծ նշանակություն ունի գիտության համար: Գիտնականները պատրաստվում են շարունակել Colobopsis explodens-ի հետագա ուսումնասիրությունը: Մասնագետներին հետաքրքրում է մրջյունների նոր տեսակների վարքը, անատոմիական կառուցվածքը, էվոլյուցիայի գործընթացը եւ այլ հատկություններ: