News
Լրահոս
News
Չորեքշաբթի
Դեկտեմբեր 08
Տեսնել լրահոսը

Չինաստանը 2020-ին առաջին տեղն է զբաղեցրել Եվրամիության ամենակարեւոր առեւտրային գործընկերների ցուցակում՝ առաջ անցնելով Ամերիկայի Միացյալ Նահանգներից: Չինաստանի հետ ԵՄ-ի արտաքին առեւտրի ծավալը նախորդ տարի կազմել է 586 միլիարդ եվրո, հայտնել է Լյուքսեմբուրգում գտնվող «Եվրոստատ» եվրոպական վիճակագրական վարչությունը: ԱՄՆ-ի հետ ապրանքաշրջանառության ծավալը նույն ժամանակահատվածի համար հասել է 555 միլիարդ եվրոյի, նշվում է այնուհետեւ, հաղորդում է DW-ն:

Չնայած համավարակի հետ կապված խնդիրներին, ԵՄ-ի եւ Չինաստանի առեւտրաշրջանառության ցուցանիշները 2020 թվականին կրկին աճել են: Ընդ որում՝ Չինաստան եվրոպական ապրանքների արտահանման ծավալն աճել է 2,2 տոկոսով՝ կազմելով 202,5 միլիարդ եվրո, Չինաստանից ներմուծումը՝ 5,6 տոկոսով՝ կազմելով 383,5 միլիարդ եվրո, նշվում է այնտեղ: Միաժամանակ ԵՄ արտահանումը Միացյալ Նահանգներ անցյալ տարվա վերջին կրճատվել է 8,2 տոկոսով՝ կազմելով 353 միլիարդ եվրո, ամերիկյան ապրանքների եւ ծառայությունների ներմուծումը կրճատվել է 13,2 տոկոսով՝ կազմելով 202 միլիարդ եվրո:

Ինչպես նշում է գերատեսչությունը, չինական տնտեսությունը շատ ավելի արագ է վերականգնվում կորոնավիրուսի տարածման հետեւանքներից, քան ամերիկյանը: Բացի այդ, ԱՄՆ-ի հետ ապրանքաշրջանառության անկումը կապված է եվրոպական ապրանքների նկատմամբ ԱՄՆ նախկին նախագահ Դոնալդ Թրամփի կողմից սահմանված տույժերի, ինչպես նաեւ ԵՄ պատասխան միջոցների հետ:

Ընդհանուր առմամբ, համավարակի հետ կապված ճգնաժամը լուրջ բացասական ազդեցություն է թողել ԵՄ առեւտրային հաշվեկշռի վրա: Գումարային ԵՄ 27 երկրները նախորդ տարի 1,93 տրիլիոն եվրոյի ապրանքներ են արտահանել, ինչը 9,4 տոկոսով պակաս է, քան 2019-ին: Ներմուծման ընդհանուր ծավալը նվազել է 11,6 տոկոսով՝ կազմելով 1,71 տրիլիոն եվրո:

Brexit-ից հետո էապես կրճատվել է նաեւ ԵՄ-ի ու Մեծ Բրիտանիայի միջեւ առեւտուրը: Չնայած Միացյալ Թագավորությունը 2020-ի ընթացքում մնացել է եվրոպական ներքին շուկայի մաս, ինչպես ԵՄ արտահանումը, այնպես էլ այդ երկրից ներմուծումն ընկել է ավելի քան 13 տոկոսով: Միեւնույն ժամանակ, Միացյալ Թագավորությունը Եվրամիության երրորդ խոշորագույն առեւտրային գործընկերն է Չինաստանից եւ ԱՄՆ-ից հետո: Նրան հաջորդում են Շվեյցարիան, Ռուսաստանը եւ Թուրքիան:

2020 թվականին ԵՄ արտահանման ծավալը Ռուսաստան կրճատվել է 10,0 տոկոսով՝ կազմելով 79 միլիարդ եվրո, իսկ Ռուսաստանից եվրոպական ներմուծման ծավալը նվազել է 34,3 տոկոսով՝ հասնելով 95,2 միլիարդ եվրոյի:

!
Այս նյութը հասանելի է նաև   Русский
Տպել
Ամենաշատ