Եթե ԼՂՀ շուրջ 7 շրջանները պետք է անցնեին Ադրբեջանին, ապա այնտեղ պետք չէր ներդրում անել: Այս մասին ԱԺ-ում լրագրողների հետ զրույցում ասաց «Լուսավոր Հայաստան» կուսակցության եւ խմբակցության ղեկավար Էդմոն Մարուքյանը:
Նա նկատեց, որ նախկին իշխանությունը բազմիցս հայտարարել է, որ բանակցություններ է վարում միայն նրա համար, որպեսզի ժամանակ շահի: «Ասում էին, թե ոչինչ չեն զիջի հակառակորդին: ՀՀ նախկին նախագահ Սերժ Սարգսյանն այժմ հայտարարում է, թե ինչն այլ ճանապարհով էր գնում, եւ որ ինքը քննադատում է նման մոտեցումը: Իսկ հիմա ես հարց եմ բարձրացնում՝ եթե ամեն ինչ այդպես է եղել, ապա այդ խնդիրը պետք է արագ լուծել: Դրա փոխարեն հայ ժողովրդի, սփյուռքի գումարների ներդրման քաղաքականություն է իրականացվել տարածքներում, որոնք հանձնվել են Ադրբեջանին»,-նշեց Մարուքյանը:
