Հայ ռազմագերիների հարցը նախկինի պես շուրջօրյա ռեժիմով շարունակում է մնալ արտաքին գործերի նախարարության տեսադաշտում: Այս մասին այսօր Ազգային ժողովում լրագրողների հետ զրույցում ասաց արտաքին գործերի նախարար Արա Այվազյանը:
Նրա խոսքով՝ կառավարության ձեւավորած միջգերատեսչական հանձնաժողովը շարունակում է աշխատել բոլոր ուղղություններով: «Եթե նկատել եք, միջազգային ճնշումն աստիճանաբար աճում է»,-նշեց նախարարը՝ հավելելով, որ պատանդների հարցով Բաքվի քաղաքականությունը լուրջ գլխացավանք է դառնում հենց Ադրբեջանի համար:
Այվազյանը հույս հայտնեց, որ Բաքուն կհրաժարվի այդ քաղաքականությունից եւ անհապաղ դրական որոշում կտա մարդասիրական առումով տվյալ շատ կարեւոր հարցին: