News
Լրահոս
News
Հինգշաբթի
Հունվար 20
USD
481.65
EUR
546.14
RUB
6.3
Տեսնել լրահոսը

Շրի Լանկայի նախկին նախագահը եւ հետախուզության նախկին ղեկավարը պետք է պատասխան տան, որ չեն կարողացել 2019-ին Զատկի կիրակի օրը կանխել ահաբեկչությունները, որոնք 279 մարդու կյանք են խլել, հայտնում է AFP-ն:

Հետաքննության արդյունքում պարզվել է, որ անցյալ տարի պաշտոնից հեռացած Մայտրիպալա Սիրիսենան անփութություն է ցուցաբերել: Ահաբեկչություններից հետո հայտնի է դարձել, որ Հնդկաստանի հետախուզական ծառայությունը հարձակումից 17 օր առաջ նախազգուշացրել էր Շրի Լանկայի իշխանություններին այդ մասին:

Նախագահի քննչական հանձնաժողովի զեկույցում ասվում է, թե «հավանականության հավասարակշռությունն» այն է, որ հետախուզության պետը նախքան հարձակումները Սիրեսենային տեղեկացրել է նախազգուշացումների մասին: Հանձնաժողովը, որը երեքշաբթի օրը լսել է 440 վկայի եւ իր զեկույցը փոխանցել խորհրդարանին, նշել է, որ գլխավոր դատախազը պետք է «Քրեական օրենսգրքի ցանկացած համապատասխան դրույթով քրեական գործ հարուցի (նախկին) նախագահ Սիրիսենայի դեմ»:

Սիրիսենան, որն այժմ իշխող կուսակցությունից պատգամավոր է, նախկինում հերքում էր, որ իմացել է նախազգուշացումների մասին:

Հետաքննությունը պարզել է նաեւ, որ հետախուզության նախկին ղեկավար Նիլանտա Ջայավարդենան քրեական պատասխանատվություն է կրում Հնդկաստանի հետախուզության նախազգուշացումներին չարձագանքելու համար: Զեկույցում ասվում է, որ Ջայավարդենան «մեղմացրել է Հնդկաստանից հետախուզական տվյալների կշիռը»:

Անփութության համար պետք է քրեական պատասխանատվության ենթարկվի նաեւ ոստիկանության նախկին գլխավոր տեսուչ Պուջիտ Ջայասունդարան:

Զեկույցում ասվում է, որ համակարգված պայթյունները ֆինանսավորվել են տեղի համեմունքների վաճառականի ընտանիքի կողմից, որի երկու որդիները մահապարտ ահաբեկիչների մեջ են եղել:

Հարձակումից երկու օր անց «Իսլամական պետություն» խմբավորումը իր վրա էր վերցրել պատասխանատվությունը, բայց քննիչները ասում են, որ իրենք ուղիղ կապ չեն գտել տեղի ջիհադականների եւ ԻՊ-ի միջեւ:

Հարձակումները ղեկավարել է իսլամիստ Զահրան Հաշիմը, որին ճանաչում են Շրի Լանկայի հակաահաբեկչական ոստիկանությունն ու հետախուզական ստորաբաժանումները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄԷ-ի արտգործնախարարն ԱՄՆ-ին խնդրել է Եմենի հուսիներին ահաբեկիչների ցանկ վերադարձնել
«Երկուշաբթի Աբու Դաբիում քաղաքացիական օբյեկտների վրա կատարված վերջին հարձակումը եւ հուսիների կողմից [հունվարի սկզբին] ԱՄԷ դրոշով նավը գրավելն ակնհայտորեն այդ կատեգորիայից են...
Նորվեգիայում սկսվում է Բրեյվիկի վաղաժամկետ ազատման մասին խնդրագրի քննումը
Բրեյվիկը վաղաժամկետ ազատման միջնորդություն էր ներկայացրել 2020 թվականի աշնանը, քանի որ 2021 թվականին լրանում էր նրա` բանտում գտնվելու նվազագույն թույլատրելի ժամկետը...
Թալիբները դարանակալվել են թալիբների կողմից եւ կորուստներ կրել
«Արդյունքում կասեցվել է ջոկատի առաջխաղացումը դեպի Ֆարյաբ»,-մանրամասնել է Սերենկոն․․․
Հնդկաստանում խոշոր ահաբեկչություն է կանխվել
Ոստիկաններն արագ շրջափակել են պայթուցիկի հայտնաբերման վայրը․․․
Աֆղանստանի արեւելքում պայթյունի հետեւանքով 9 երեխա է զոհվել
Պայթյունը տեղի է ունեցել, երբ արեւելյան Նագարհար նահանգի Լալոպար շրջանում սննդով լի սայլը բախվել է չպայթած ականանետի․․․
Սիրիայում ահաբեկիչները հարձակվել են զինվորական ավտոբուսի վրա. հինգ զինծառայող է զոհվել
Նշվում է, որ հարձակումը տեղի է ունեցել ժամը 07:00-ին, սիրիական Բադիա անապատի երրորդ կայանից 50 կմ դեպի արեւելք․․․
Ամենաշատ