Հանրապետական կոնգրեսականները նախագահ Ջո Բայդենին զգուշացրել են Իրանի դեմ ցանկացած պատժամիջոցի չեղարկման մասին՝ վարչակազմի՝ Թեհրանի հետ միջուկային ծրագրի հարցով բանակցությունները վերսկսելու ջանքերի ֆոնին:
Անցած շաբաթ ԱՄՆ նոր վարչակազմը հայտարարել է, որ ընդունել է Իրանի եւ 2015 թվականին միջուկային գործարք կնքած 5 այլ կողմերի հետ բանակցությունների հրավերը, որոնցից 2018 թվականին հրաժարվել էր նախկին նախագահ Դոնալդ Թրամփը:
«Վարչակազմի առաջարկած երկկողմ բանակցությունների համար որպես նախնական պայման պատժամիջոցների չեղարկման մասին ռեժիմի պահանջներն անբարեխիղճ են: ԱՄՆ-ն պետք է ճնշում գործադրի իրանական ռեժիմի վրա եւ թույլ չտա, որպեսզի իրեն թույլ համարեն: Պատժամիջոցների չեղարկումն ԱՄՆ-ին կմղի անկյուն եւ կզրկի Իրանի եւ ԱՄՆ-ի հարաբերությունները կարգավորելու հարցում ջանքերից»,-գրել են օրենսդիրները նամակում, որը նախաձեռնել է կոմիտեի ղեկավար Ջոն Կատկոն: