Tesla ընկերությունն իր աշխատակիցներին հայտնել է, որ ժամանակավոր դադարեցրել է Կալիֆոռնիայում Model 3 էլեկտրաքարի արտադրությունը, գրում է Bloomberg-ը՝ վկայակոչելով իրազեկ աղբյուրը:
Աշխատակիցներին հայտնել են, որ արտադրությունը ժամանակավոր դադարեցվել է փետրվարի 22-ից մինչեւ մարտի 7-ը:
Նրանց կվճարեն փետրվարի 22-ի եւ 23-ի համար եւ չեն վճարի փետրվարի 28-ի, մարտի 1-ի, 2-ի եւ 3-ի համար: Նրանց խորհուրդ են տվել արձակուրդ վերցնել:
Կալիֆոռնիա նահանգում ընկերության գործարանի ներկայացուցիչները դեռ չեն մեկնաբանել տվյալ տեղեկությունը:
Ընկերությունը ձգտում է առավելագույն մատակարարումների հասնել: Ընկերության գործադիր տնօրեն Իլոն Մասկը ամբիցիոզ նպատակ է դրել՝ մինչեւ 2030 թվականը վաճառել 20 միլիոն ավտոմեքենա:
Այս տարի Tesla-ն Չինաստանից մինչեւ Ճապոնիա եւ Ֆրանսիա 14 անգամ նվազեցրել է տարբեր մոդելների գները, ինչը կասկած է առաջացրել այն կապակցությամբ, որ ընկերությունը ցանկալի ծավալների չի հասել՝ նշում է պարբերականը: