Թուրքերը մշտապես մեզ խնդրում էին ու մեր տակ էին: Այս մասին հայտարարել է գեներալ-գնդապետ, ՀԱՊԿ նախկին գլավոր քարտուղար Յուրի Խաչատուրովը՝ ելույթ ունենալով փետրվարի 25-ին Երեւանում ընդդիմության հանրահավաքում:
«Ասում են, որ 2016 թվականին մենք խաղաղություն ենք խնդրել: Երդվում եմ հորս գերեզմանով՝ թուրքերից ոչ մի անգամ ոչ մի բան չեմ խնդրել: Նրանք են մեզ անընդհատ խնդրել, մեր տակ էին ու նայում էին, թե մենք ինչ կասենք»,- շեշտեց Խաչատուրովը՝ հավելելով, որ չնայած անհարմար է ասել, բայց Ադրբեջանի ներկայացուցիչը վատ տեսք ուներ նշված իրադարձություններից հետո հանդիպմանը: «Սադիգովը (Ադրբեջանի ԳՇ պետ – խմբ.) իրեն շատ վատ էր զգում, նա պարտվող էր, իսկ մենք հաղթող»,- հավելեց գեներալը:
Նրա խոսքով՝ վերջին պատերազմը հնարավոր էր թույլ չտալ: Բայց եղավ այն, ինչ եղավ: Շատ դժվար կլինի բանակի վերականգնումը: «Կարծում եմ՝ Վազգեն Մանուկյանը կկարողանա: Ես մի ամբողջ տարի նրա տեղակալն եմ եղել: Խիզախ, խելացի եւ անչափ ազնիվ մարդ է»,- ամփոփեց Խաչատուրովը: