Իսպանական կենդանաբանական այգում փիղը կնճիթի հարվածով սպանել է աշխատակցին: Շուրջ 4000 կգ կշռող էգ փիղը կնճիթով հարվածել էր 44-ամյա տղամարդուն Սանտանդեր քաղաքից քիչ հեռու գտնվող Կաբարսենո բնական պարկում: Նրան տեղափոխել էին հիվանդանոց, որտեղ տղամարդը մոտ երեք ժամ անց մահացել էր ստացված վնասվածքներից, գրում է The Guardian-ը:
Աշխատակիցը մաքրում էր պարիսպը, իսկ փիղը գտնվում էր տարածքում: «Մենք խոսում ենք անկանխատեսելի կենդանիների մասին»,- ասել է Կենտաբրիայի մարզային կառավարության զբոսաշրջության նախարար Խավիեր Լոպես Մարկանոն, որին եւ պատկանում է կենդանաբանական այգին: «Հարվածի ուժը հսկայական էր, որ ոչ ոք ողջ չէր մնա»:
Սա առաջին նման միջադեպն է այգու 31-ամյա պատմության մեջ: