Արամ Խաչատրյանի միջազգային մրցույթի հաղթող է դարձել Պենգ Ցաոն Չինաստանից:
Մրցույթում 2-րդ տեղը կիսել են Ժորա Սարգսյանն ու Լիլիթ Գրիգորյանը Հայաստանից, իսկ բրոնզը բաժին է հասել Սոնա Արշակյանին` Ռուսաստանից:
Մրցույթը կազմակերպվել էր Հայաստանի մշակույթի նախարարության «Արամ Խաչատրյանի մրցույթ» մշակութային հիմնադրամի, Երեւանի պետական կոնսերվատորիայի կողմից` Հայաստանի առաջին տիկին Ռիտա Սարգսյանի հովանավորությամբ:
Մրցույթին մասնակցելու համար Հայաստան էին ժամանել 36 դաշնակահարներ եւ 11 կոպոզիտորներ ԱՊՀ երկրներից, Եվրոպայից, ԱՄՆ-ից, Կանադայից, Ավստրալիայից, Լիբանանից, Իսպանիայից, Վրաստանից, Չինաստանից, Կորեայից եւ Դոմինիկյան Հանրապետությունից:
Առաջին տեղը գրաված դաշնակահարը կստանա 15 հազար դոլար եւ դափնեկրի դիպլոմը, երկրորդ տեղը` 10 հազար դոլար, իսկ 3-րդ տեղը` 5 հազար: