Բելառուսի նախագահի որդի Վիկտոր Լուկաշենկոն պահեստազորի գեներալ-մայոր է դարձել: Համապատասխան հրամանագիրը ստորագրել է Ալեքսանդր Լուկաշենկոն:
Ավելի վաղ Լուկաշենկոն իր ավագ որդուն Ազգային անվտանգության հարցերով նախագահի օգնականի պաշտոնից ազատելու հրամանագիր էր ստորագրել՝ «ընտրովի պաշտոնի անցնելու կապակցությամբ»:
Փետրվարի 26-ին Վիկտոր Լուկաշենկոն ստանձնել է Ազգային օլիմպիական կոմիտեի նախագահի պաշտոնը: Այս պաշտոնում նա փոխարինել է իր հորը, ով գերատեսչությունը ղեկավարում էր 1997 թվականից: Վիկտոր Լուկաշենկոն 2019 թվականից ԱՕԿ-ի առաջին փոխնախագահն էր:
