Վրաստանի խորհրդարանի առջու բողոքի ակցիայի ժամանակ այսօր առավոտյան յոթ մարդ է բերման ենթարկվել: Այս մասին հայտնում է ՆԳՆ մամուլի ծառայությունը, փոխանցում է «Նովոստի-Գրուզիա»-ն:
Քաղաքացիական ակտիվիստները, ինչպես նաեւ ընդդիմության կողմնակիցներն ու առաջնորդները, ովքեր պահանջում են արտահերթ խորհրդարանական ընտրություններ նշանակել եւ ազատ արձակել «քաղբանտարկյալներին», պիկետավորում են օրենսդիր մարմնի շենքը: Ցուցարարների խմբերը հավաքվել են մուտքերի մոտ` կարգախոսներով եւ ավտոմեքենաների ազդանշաններով իշխող «Վրացական երազանք» կուսակցության պատգամավորներին դիմավորելու համար:
Իրավիճակը մի քանի անգամ սրվել է: Ոստիկանությունը ցուցարարներից պահանջել է դուրս գալ փողոցի երթեւեկելի հատվածից եւ բարձրանալ մայթի վրա: Բախումները տեղի են ունեցել այն ժամանակ, երբ ՆԳՆ աշխատակիցները սկսել են ակտիվիստներին հետ մղել ճանապարհից: Արդյունքում յոթ մարդ է բերման ենթարկվել Վրաստանի Վարչական իրավախախտումների վերաբերյալ օրենսգրքի 173-րդ հոդվածի համաձայն` ոստիկանության օրինական պահանջին չենթարկվելու համար
Ցուցարարները հայտարարում են, որ ձերբակալությունների ընթացքում ոստիկանությունը շատ կոշտ է գործել` ֆիզիկական ուժ կիրառելով:
«Ակցիան դեռ չէր սկսվել, իսկ նրանք [ցուցարարները] արդեն առեւանգվել են: Սրանք իշխանությունների մեթոդներն են: Ոստիկանությունը մեկ անձի անվտանգության ծառայության են վերածվել... Նրանք պաշտպանում են մի անձի հարմարավետությունը»,- ասել է «Միացյալ ազգային շարժում» կուսակցության առաջնորդներից Զաալ Ուդումաշվիլին:
Իրավիճակը տեղում շարունակում է լարված մնալ: Խորհրդարանի լիագումար նիստը դեռ չի սկսվել: Մինչ այժմ խորհրդարանական մեծամասնության անդամների ոչ մի մեքենա այնտեղ չի երեւացել: Լրատվամիջոցները ենթադրում են, որ անհարմարությունից խուսափելու համար նրանք աշխատանքի են ժամանել դեռ ակցիայի մեկնարկից առաջ` առավոտյան 7-8-ին:
Ընդդիմությունը հայտարարել է անժամկետ բողոքի ցույցեր սկսելու մասին` դեկտեմբերի 23-ին ՄԱԿ-ի կենտրոնակայանի ոստիկանական գրոհից եւ դրա նախագահ Նիկա Մելիայի ձերբակալությունից հետո: Խորհրդարանի մոտ վրաններ են տեղադրել, որտն էլ դարձել է բողոքի ցույցերի կենտրոնը: Իշխանությունների ընդդիմախոսները մտադիր են շարունակել փողոցային ակցիաները, քանի դեռ նրանց պահանջները չեն բավարարվել: Ընդդիմությունը չի պատրաստվում չեղարկել հավաքները իշխող թիմի հետ բանակցությունների վերսկսման պատճառով: Նրանք կարծում են, որ բողոքները կօգնեն ավելի արդյունավետ դարձնել քաղաքական երկխոսությունը: