Այս իշխանությունները խնդիր չունեին բացահայտելու «Մարտի 1»-ը, իրենք խնդիր ունեին ամեն գնով ձերբակալելու հորս: Այս մասին, այսօր՝ մարտի 2-ին, բողոքի երթի ժամանակ լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի որդին՝ Լեւոն Քոչարյանը:
«Եթե կհիշեք վարչապետի, ԱԱԾ պետի ու ՀՔԾ պետի հեռախոսազրույցները: Այսինքն նպատակը ամեն գնով հորս վրկաբեկելն էր, կալանքի տակ պահելն էր, նաեւ բանակը վարկաբեկելն էր՝ Խչտուրովը, Սեյրան Օհանյանը: Ցույց տալու, որ տեսեք՝ բանակին բերել, կրակել են ձեզ վրա, որը բացարձակ սուտ է»,-ասաց նա:
Հարցին, թե երբ կտեսնենք Ռոբերտ Քոչարյանին ընդդիմության հարթակում, Լեւոն Քոչարյանը պատասխանեց. «Եթե հարթակ բարձրանալու խնդիր լիներ... այսինքն երբ որ լինի, կտեսնեք: Այս պահին նման խնդիր չկա դրված: Ինքն իր աջակցությունն է հայտնել շարժմանը եւ կոչ է արել իմ համախոհներին աջակցել, սատարել: Ես ինքս որպես քաղաքացի մասնակցում եմ բոլոր երթերին, հանրահավաքներին իմ ընկերների, մեր աջակիցների հետ միասին:
