Բացառված չէ, որ շուտով կարող են սկսվել խորհրդակցություններ քաղաքական ուժերի հետ, դրանից բացի, կարող են ստորագրվել հուշագրեր: Այս մասին մարտի 2-ին լրագրողների հետ զրույցում ասաց ԱԺ իշխող «Իմ քայլը» դաշինքից ընտրված փոխխոսնակ Ալեն Սիմոնյանը:
Նրա կարծիքով՝ քաղաքական գործընթացների բարձրակետը պետք է դառնան ընտրությունները, իսկ այլ մեթոդները հնարավոր չեն: «Ինչ վերաբերում է «Բարգավաճ Հայաստան» կուսակցության խմբակցության դիրքորոշմանը, ապա այնտեղ, ինչպես հայտնի է, որոշումներն ընդունում է մեկ մարդ (նկատի ունի Գագիկ Ծառուկյանին – խմբ.): Բացառված չէ, որ առաջիկա օրերին նրա հետ հանդիպում կունենամ»,- նշեց Սիմոնյանը: