Դուք չեք կարող մի դեպք մատնանշել, որ ես կամ իմ գիտությամբ որեւէ ՊԵԿ պաշտոնյա որեւէ աշխատակցի հանձնարարել է գնալ մասնակցել հանրահավաքի: Այս մասին լրագրողների հետ զրույցում նշել է ՊԵԿ նախագահ Էդվարդ Հովհաննիսյանը:
Նա նշեց, որ իհարկե, համաձայն չէ ԶՈՒ ԳՇ հայտարարությանը, թե այս իշխանությունը ադեկվատ չէ երկրի անվտանգային խնդիրները կռավարելու հարցում. «Ինչո՞ւ պետք է համաձայն լինեմ, ի՞նչ հիմնավորմամբ: Ոչ, ես այդ դիրքորոշումները չեմ պաշտպնում:
Հարցին՝ եթե հանրահավաքին չմասնակցեր, իր համար խնդիրնե՞ր էին առաջանալու, ՊԵԿ նախագահը պատասխանեց. «Բացարձակ: Ի՞նչ նկատի ունեք՝ խնդիրներ ասելով, ո՞նց եք կարծում՝ ինչ-որ մեկն ինձ հանձնարարե՞լ է ներկա գտնվել այդ հավաքին՝ ոչ: Ես իմ կամքով եմ գնացել»:
Անդրադառնալով վարչական ռեսուրսի կիրառմամբ հանրհավաքի մարդիկ բերելու մասին ձայնագրություններին, ՊԵԿ նախագահն ասաց, որ ինքը չի հասցրել ծանոթանալ դրանց, ինքը չունի նման դեպքի մասին տեղեկություններ:
Հարցին՝ ՊԵԿ-ում որևէ խնդիր չկա՞, որ հանրահավաքի գնալու փոխարեն՝ այդ խնդիրները լուծի, այդքան շատ ազատ ժամանակ ունի՞, Էդվարդ Հովհաննիսյանը պատասխանեց. «Թույլ տվեք ես որոշեմ՝ իմ ժամանակը որքան է ազատ, որքան՝ զբաղված, և իմ ժամանակի որ մասը ինչին կարող եմ ծառայեցնել»: