Եվրասիական տնտեսական հանձնաժողովը (ԵՏՀ) առաջարկում է թույլատրել Եվրասիական տնտեսական միության (ԵԱՏՄ) տարածք մուտք գործել IgG հակամարմինների առկայության մասին տեղեկանքի կամ կորոնավիրուսի ախտորոշման ՊՇՌ թեստի բացասական արդյունքով անձանց: Այս մասին նշված է ուղեւորափոխադրումների վերսկսման կանխարգելիչ միջոցառումների վերաբերյալ առաջարկների նախագծում:
«Օդանավով արտասահմանից ժամանած անձինք, բացառությամբ անդամ պետության օրենսդրությամբ սահմանված անձանց [ԵԱՏՄ], պարտավոր են տեղեկանք ներկայացնել IgG հակամարմինների առկայության մասին, որն անցկացվել է ոչ շուտ, քան անդամ պետության պետական սահմանը հատելու պահից վեց ամիս առաջ, կամ` կորոնավիրուսի ախտորոշման ՊՇՌ թեստի բացասական արդյունք, որն անձը հանձնել է անդամ պետության պետական սահմանը հատելուց ոչ շուտ, քան 72 ժամ առաջ»,- նշվում է նախագծում:
Համապատասխան փաստաթղթերի բացակայության դեպքում առաջարկվում է ԵԱՏՄ ժամանող անձանց թեստավորման ուղարկել` ինքնամեկուսացման ռեժիմի պահպանման անհրաժեշտությամբ մինչ արդյունքների ստացումը: Շնչառական վարակների նշաններ ունեցող քաղաքացիները կարող են հոսպիտալացվել մինչ կորոնավիրուսի ախտորոշման թեստերի արդյունքները` անկախ տեղեկանքի առկայությունից:
Կորոնավիրուսային վարակի նկատմամբ IgG հակամարմիններն իմունիտետի ձեւավորման նշան են տարած հիվանդությունից հետո:
