Ուկրաինայի նախագահ Վլադիմիր Զելենսկին պատվաստվել է կորոնավիրուսի դեմ: Ներարկումը նրան, որպես գերագույն գլխավոր հրամանատարի, արել են Սեվերոդոնեցկի ռազմական հոսպիտալում, LIGA.net-ին հայտնել է նախագահի մամուլի քարտուղար Յուլյա Մենդելը:
Նախագահն ընդգծել է, որ ինքը պատվաստվել է Հնդկաստանից գնված Covishield պատվաստանյութով:
Փետրվարի 24-ից Ուկրաինայում սկսվել են կորոնավիրուսի դեմ պատվաստումները Covishield դեղամիջոցով, որը մշակվել է AstraZeneca / Oxford-ի կողմից: 1300 պատվաստումներից հետո լուրջ բացասական հետեւանքներ չեն եղել:
Մարտի 2-ի դրությամբ Ուկրաինայում կատարվել է շուրջ 5000 պատվաստում: Այժմ պատվաստում են բուժաշխատողներին, միացյալ ուժերի գոտու զինվորականներին, հանրային գործիչներին (օրինակ՝ առողջապահության նախարար Ստեպանովը ուղիղ եթերում է պատվաստվել): Սակայն արդեն հնարավոր է գրանցվել պատվաստումների սպասման ցուցակում:
