Իշխանությունն ու ընդդիմությունը պետք է պարտավորվեն զերծ մնալ ագրեսիայի կոչերից: Այս մասին ԱԺ նիստում հայտարարեց «Լուսավոր Հայաստան» կուսակցության պատգամավոր Անի Սամսոնյանը:
Նրա խոսքով՝ ցանկացած հանրահավաք կարող է իր նպատակին հասնել, եթե բոլորը կանոններին հետեւեն: «Հակառակ դեպքում տեղի կունենան միջադեպեր, որոնք վտանգավոր են ողջ հանրության համար»,-նշեց Սամսոնյանը:
Նա նաեւ հիշեցրեց, որ ագրեսիա է կիրառվել ՀՅԴ ակտիվիստների, այդ թվում ՀՅԴ ԳՄ ներկայացուցիչ Իշխան Սաղաթելյանի նկատմամբ: Պատգամավորի խոսքով՝ հարձակման են ենթարկվել նաեւ լրագրողները:
«Եթե դրանք վերածվեն մասշտաբային բախումների, ապա դա կործանարար կլինի երկրի համար: Այդ պատճառով եւ՛ իշխանությունը, եւ՛ ընդդիմությունը պետք է պարտավորվեն զերծ մնալ ագրեսիայի եւ ատելության կոչերից»,-հավելեց Սամսոնյանը: