Սաուդյան Արաբիայի վարկային վարկանիշի վրա դժվար թե ազդի ԱՄՆ հետախուզության անցած շաբաթ հրապարակված զեկույցն այն մասին, որ թագաժառանգ արքայազն Մուհամմեդ բեն Սալմանը հաստատել է լրագրող Ջամալ Խաշոգջիի սպանության գործողությունը։
Սաուդյան Արաբիայի վարկային վարկանիշը A- է, ինչպես բոլոր ինքնիշխան վարկանիշները, ներառում է նրա ինստիտուցիոնալ կառուցվածքի գնահատականը: Այս տարրը ներկայումս գնահատվում է 4 միավոր՝ գնահատման 1-6 համակարգում, որտեղ 1-ը լավագույնն է, 6-ը՝ վատագույնը։
S&P վարկանիշի բացատրության մեջ նշվում է «խիստ կենտրոնացված որոշումների կայացման պատճառով ապագա քաղաքականության պատասխանների սահմանափակ կանխատեսելիությունը», ինչպես նաեւ «տարածաշրջանային անվտանգության բավական բարձր ռիսկը», հայտնում է Reuters-ը։
Ոչ Moody's-ը, ոչ էլ Fitch-ը չեն մեկնաբանել, թե արդյոք Վաշինգտոնի զեկույցը որեւէ ազդեցություն կունենա Սաուդյան Արաբիայի իրենց ինքնիշխան վարկանիշի վրա:
S&P-ից Գիլը հավելել է, որ վերջերս նավթի գների վերականգնումը օգուտ է բերել աշխարհի առաջատար նավթարտադրողին: Այն կարող է նաեւ լրացուցիչ խթան ստանալ այս շաբաթ, եթե, ինչպես սպասվում էր, ՕՊԵԿ-ը համաձայնի սկսել մեղմացնել արտադրության կրճատումները COVID-ի պատճառով:
S&P-ի վերջին կանխատեսումները ցույց են տալիս, որ Սաուդյան Արաբիայի պարտքը մինչեւ 2023 թվականը կաճի համախառն ներքին արդյունքի մոտ 46% տոկոսի չափով՝ համեմատած 2019-ի 20%-ի հետ: Նավթային արդյունաբերությունը կազմում է թագավորության տնտեսության մոտ 40%-ը: