Սուդանական մարդատար ինքնաթիռը հարկադրված վայրէջք է կատարել այն բանից հետո, երբ օդաչուի վրա կատու է հարձակվել, հայտնում են տեղական ԶԼՄ-ները:
Անհասկանալի է, թե կատուն ինչպես է հայտնվել Tarco Airlines ավիաընկերության չվերթում, որը պետք է թռչեր Խարտումի միջազգային օդանավակայանից դեպի Կատարի մայրաքաղաք Դոհա, գրում է New Arab-ը:
Արդյունքում օդանավի հրամանատարը ստիպված է եղել վթարային վայրէջք կատարել թռիչքից ընդամենը կես ժամ անց, տեղական Al-Sudani լրատվական կայքին հայտնել է օդանավակայանի աղբյուրը:
Հավանաբար, դա թափառող կատու է եղել, որը գիշերը մտել է ինքնաթիռ:
