Հարավկորեական Samsung ընկերությունը մտադիր է թողարկել «չկոտրվող» Galaxy Xcover 5 սմարթֆոնը, հայտնում է «ՌԻԱ Նովոստին»:
Մասնագետները բացահայտել են սմարթֆոնի արտաքինը՝ այն կստանա 5,3 դյույմանոց էկրան՝ 720 x 1480 պիքսել փոքր լուծաչափով եւ ծածկված Gorilla Glass 6 ապակիով: Galaxy Xcover 5-ը կստանա ջրից եւ փոշուց IP68 ստանդարտի պաշտպանություն եւ MIL-STD 810G սերտիֆիկացում, որը երաշխավորում է պաշտպանություն արտաքին ազդեցությունից:
Սմարթֆոնի միջուկը չի կարելի անվանել առաջադեմ` Exynos 850 պրոցեսոր, 4/64 Գբ հիշողություն եւ միայն մեկ հիմնական տեսախցիկ: Այն 16 մեգապիքսելանոց սենսոր է՝ լուսադիոդային լուսարձակով: 172 գրամ քաշով սմարթֆոնը կստանա 3000 մԱ / ժամ փոքր մարտկոց՝ 15 Վտ արագ լիցքավորմամբ:
Samsung Galaxy Xcover 5 սմարթֆոնը պաշտոնապես կներկայացվի մարտին: Գաջեթի ակնկալվող արժեքը 299 եվրո է:
