Անկարայի գլխավոր դատախազությունը 40 անձի ձերբակալման օրդեր է տվել, որոնք կասկածվում են քարոզիչ Ֆեթուլլահ Գյուլենի հետ կապի մեջ, ում Անկարան մեղադրում է 2016-ի հուլիսին հեղաշրջման փորձի կազմակերպման մեջ: Այս մասին ուրբաթ հայտարարել է Haberturk հեռուստաալիքը, փոխանցում է ՏԱՍՍ-ը:
Ձերբակալություններն իրականացվում են հանրապետության ռազմածովային ուժերի հրամանատարական կառույցներում Գյուլենի կողմնակիցների գործունեության հետաքննության շրջանակներում: Կասկածյալների ցուցակում կա 19 սպա, ինչպես նաեւ ռազմական ակադեմիայի նախկին կուրսանտներ: Հետաքննությունը համարում է, որ նրանք զբաղվում էին գործողությունների համակարգմամբ բանակային կառույցներում, կապի էին դուրս գալիս այդ կազմակերպության համակարգողների հետ ֆիքսված հեռախոսների միջոցով Անկարայի հանրային վայրերում:
Ռեյդերն իրականացվում են ինչպես մայրաքաղաքում, այնպես էլ Թուրքիայի յոթ այլ նահանգներում:
Ստամբուլի գլխավոր դատախազությունն իր հերթին թույլատրել է 13 մարդու ձերբակալել Ֆեթուլլահ Գյուլենի կողմնակիցների գործունեության հետաքննության մեկ այլ դրվագի շրջանակներում: Նրանք մեղադրում են նամակագրությունը կոդավորելու համար ByLock բջջային հավելվածի անանուն օգտագործման մեջ, որն օգտագործում էին պուտչիստները դավադրության նպատակով:
2016-ի հուլիսի 15-ին Թուրքիայի զինված ուժերի զինվորների եւ սպաների մի խումբ հեղաշրջման փորձ արեց: Հիմնական առճակատումը ծավալվեց Ստամբուլում եւ Անկարայում, 250 մարդ զոհվեց` չհաշված պուտչիստներին, ավելի քան 2 հազար մարդ վիրավորվեց: Անկարան հեղաշրջման նախապատրաստման մեջ մեղադրում է ԱՄՆ-ում բնակվող իսլամական քարոզիչ Ֆեթուլլահ Գյուլենին: