Կորոնավիրուսի տարածման կանխման համար կառավարության եւ պարետատան կողմից ձեռնարկված միջոցառումների արդյունավետության ուսումնասիրման քննչական հանձնաժողովը պատրաստվում է դիմել Ազգային ժողով` իր գործունեության ժամկետը 6 ամսով երկարաձգելու խնդրանքով:
Այս մասին մարտի 5-ին Հայաստանի Ազգային ժողովում համավարակի դեմ կառավարության պայքարի արդյունավետությունն ուսումնասիրող քննիչ հանձնաժողովի նիստին համապատասխան նախաձեռնության քննարկման ժամանակ ասաց հանձնաժողովի նախագահ, «Լուսավոր Հայաստան» կուսակցության պատգամավոր Արկադի Խաչատրյանը:
Նախաձեռնության համահեղինակ, «Իմ քայլը» իշխող դաշինքի պատգամավոր Հերիքնազ Տիգրանյանը, մասնավորապես, նշեց, որ հանձնաժողովի գործունեության երկարացումը պայմանավորված է նրանով, որ ավելի վաղ երկրում բավականին բարդ համաճարակաբանական իրավիճակ էր, եւ, բացի այդ, Լեռնային Ղարաբաղում վերսկսվել են ռազմական գործողությունները, ինչը զգալի կերպով ազդել է հետաքննող հանձնաժողովի աշխատանքի տեմպերի եւ որակի վրա: Կորցրած ժամանակը, ըստ պատգամավորի, պետք է փոխհատուցվի, եւ դրա համար անհրաժեշտ է եւս 6 ամիս ժամանակ տրամադրել` համապատասխան հետազոտություններ իրականացման համար:
Քննարկումներից հետո քննիչ հանձնաժողովը դրական եզրակացություն տվեց այս նախաձեռնությանը: