Գերմանիայի կանցլեր Անգելա Մերկելի «Քրիստոնեա-դեմոկրատական միություն» կուսակցության պատգամավոր Նիկոլաս Լյոբելը կիրակի հայտարարել է, որ կհրաժարվի խորհրդարանում իր մանդատից եւ կհեռանա քաղաքականությունից, երբ պարզվել էր, որ իր ընկերությունը շահույթ է հետապնդել դիմակներ ձեռք բերելու գործարքից համավարակի սկզբում, ինչն առաջացրել էր սուր քննադատություն ընտրությունների նախօրեին, հաղորդում է Associated Press-ը:
Նիկոլաս Լյոբելը կոշտ քննադատության էր ենթարկվել իր կուսակցության անդամների եւ ընդդիմադիրների կողմից, երբ ուրբաթ պարզվել էր, որ իր գլխավորած ընկերությունը վաստակել է 250 000 եվրոյի չափով գումար դիմակներ ձեռք բերելու համար բրոքերական կոնտակտների միջոցով: Լյոբելը խոստովանել է, որ սխալ է գործել եւ հրաժարվել է խորհրդարանի արտաքին գործերի հանձնաժողովում իր պաշտոնից:
Դա բավարար չէր քաղաքական գործչի քննադատների համար, հատկապես, այն կապակցությամբ, որ մարտի 14-ին նրա հայրենի Բադեն Վյուրթեմբերգ դաշնային հողում կայանալու են նոր տարածաշրջանային օրենսդիր մարմնի ընտրությունները:
Այդտեղ ՔԴՄ-ից ներկայացված նահանգապետի թեկնածու Սյուզաննա Այզենմանը Der Spiegel պարբերականին տված հարցազրույցում հայտարարել է, որ «անթույլատրելի է, որ խորհրդականները հարստանան այդ լրջագույն ճգնաժամի հաշվին»:
Այսօր՝ կիրակի, Լյոբելը հայտարարել է, որ անհապաղ կհեռանա խորհրդարանում կուսակցության դաշինքից եւ կհանձնի իր տեղը օգոստոսի վերջում: Նա ներողություն է խնդրել եւ ասել, որ չի առաջադրի իր թեկնածությունը սեպտեմբերին կայանալիք ընտրություններին, հաղորդում է dpa գործակալությունը:
«Ես պատասխանատվություն եմ ստանձնում իր գործողությունների համար»,-ասել է նա:
Դա նմանատիպ առաջին դեպքը չէ: Ավելի վաղ Գեորգ Նյուսլյայնը, որը Բավարիայում ՔԴՄ- հայտնի պատգամավոր է, դարձել է կառուպցիայի մասին գործի հետաքննության կասկածյալ դիմակներ գնելու գործարքի կապակցությամբ: Նա հերքում է իր մեղքը: