Times Square-ից հանրահայտ Մերկ կովբոյին Ֆլորիդայի Դեյթոն-բիչի Bike Week-ում ձերբակալել են մուրացկանության մեղադրանքով, հայտնում է AP-ը։
51-ամյա Ռոբերտ Բըրքը, ով հայտնի է նրանով, որ միայն սպիտակ ներքնազգեստ, կոշիկներ եւ կովբոյի գլխարկ է կրում եւ նվագում է վառ ներկված կիթառ, ձերբակալվել է Ֆլորիդայի Ատլանտյան ափի ամենամյա միջոցառմանը ելույթ ունենալիս: Բըրքը մշտապես Bike Week-ում է:
Դեյթոն-բիչի ոստիկանությունը հայտնել է, որ Բըրքը ձերբակալվել է, երբ ոստիկանությունը նկատել է, որ նրա հետ լուսանկարվելուց հետո մարդիկ կիթառի մեջ փող են դնում:
«Ամբաստանյալի գործողությունները խախտում են Դեյթոն-բիչ քաղաքի 66-1 որոշումը (մուրացկանություն)»,- իր զեկույցում գրել է ձերբակալող սպան:
Կիրակի առավոտյան Բըրքը բանտից ազատվել է գործով առաջին դատական նիստից հետո:
