Անընդհատ ոստիկանական նոր ուժեր են ժամանում Բաղրամյան պողոտա և Դեմիրճյան փողոց, որտեղ Փաշինյանի հրաժարականը պահանջող քաղաքացիները վրաններ են տեղադրել և փակել են Ազգային ժողովի մուտքը։ Ոստիկանները զինված են վահաններով և սաղավարտներով ևշարքերով փորձում են քայլ առ քայլ առաջ գալ․ տպավորություն է, որ փորձում են այդ կերպ բացել փողոցը։ Քաղաքացիները նրանց գործողություններին արձագանքում են սուլոցներով և «Ամոթ» վանկարկելով։
Նշենք, որ այս պահին ԱԺ բոլոր մուտքերը փակ են, «Հայրենիքի փրկության շարժումը» հայտարարել է, որ արգելելու է պատգամավորների ելումուտը, և ԱԺ-ն չի աշխատելու այնքան ժամանակ, քանի դեռ չի պահանջել Փաշինյանի հրաժարականը։
