Եվրամիությունը ՄԱԿ-ի զարգացման ծրագրի, Ավստրիական գործակալության եւ ՀՀ կառավարության հետ համատեղ Շիրակի, Լոռու եւ Տավուշի մարզերում իրականացնում է «Տեղական դերակատարների հզորացում հանուն զարգացման» ծրագիրն ավելի քան 11 մլն եվրոյի չափով:
Ծրագիրը նպատակ ունի աջակցել համայնքների սոցիալ-տնտեսական զարգացմանը շահագրգիռ կողմերին ակտիվ ներգրավմանը: 4,5 մլն եվրո բյուջեով Շիրակի մարզում իրականացվող ծրագիրը մեկնարկել է 2021 թվականի սկզբին եւ նախատեսված է 4 տարով: Նույն ծրագիրը, որն իրականացվում է Լոռու եւ Տավուշի մարզերում 6,6 մլն եվրո բյուջեով, մեկնարկել է 2020 թվականի հոկտեմբերին եւ նախատեսված է 4 տարով: