News
Լրահոս
News
Հինգշաբթի
Սեպտեմբեր 23
Տեսնել լրահոսը

Եվրամիությունը սառեցրել է Turkish Petroleum Corporation (TPAO) թուրքական պետական ​​նավթային կորպորացիայի ավելի բարձրաստիճան ղեկավարներին սեւ ցուցակում ընդգրկելու պլանները, հաղորդում է Reuters-ը՝ վկայակոչելով չորս դիվանագետների:

ԵՄ առաջնորդները դեկտեմբերին առաջարկել էին սառեցնել ակտիվները եւ արգելել ուղեւորությունները՝ Միջերկրական ծովի ջրերում «Թուրքիայի կողմից առանց թույլտվության հորատման գործողությունների» կապակցությամբ՝ չնայած կոնկրետ անձանց չէին նշել: ԵՄ-ն համաձայնել էր մարտի 25-26 նախատեսված գագաթնաժողովին քննարկել խիստ տնտեսական պատժամիջոցները Թուրքիայի դեմ: Սակայն Էրդողանի ավելի կառուցողական տոնն այս տարի, Գերմանիայի կանցլեր Անգելա Մերկելի կողմից ավելի հաշտեցնող մոտեցման սատարումը եւ Թուրքիայի եւ Հունաստանի առաջին ուղղակի բանակցությունները վերջին հինգ տարվա ընթացքում օգնեցին փոխել տրամադրությունները:

ԱՄՆ նախագահ Ջո Բայդենի նոր վարչակազմը նաեւ կոչ է արել Բրյուսելին պատժամիջոցներ չկիրառել այն ժամանակ, երբ Թուրքիան՝ ՆԱՏՕ-ի դաշնակիցը եւ ԵՄ-ի թեկնածու երկիրը, կարծես թե ավելի հակված է փոխզիջումների, հայտարարել են եվրոպացի եւ ամերիկացի դիվանագետները:

«Թուրք քաղաքացիների լրացուցիչ սեւ ցուցակի ուղղությամբ աշխատանքը դադարեցվել է, եւ այլեւս չենք խոսում տնտեսական պատժամիջոցների մասին»,- ասաց ԵՄ դիվանագետներից մեկը: Երկրորդ դիվանագետը նշել է, որ աշխատանքը «դեռ չի սկսվել», իսկ երրորդը հայտարարել է, որ «առաջնային է դիվանագիտական ​​ուղղությունը»: ԵՄ դիվանագիտական ​​ծառայությունը հրաժարվել է մեկնաբանություններից:

Դիվանագետներն ասում են, որ Էրդողանի եւ Եվրահանձնաժողովի ղեկավարի միջեւ հունվարի 9-ին կայացած վիդեոկոնֆերանսը, որին հաջորդեցին Թուրքիայի արտաքին գործերի նախարար Մեւլութ Չավուշօղլուի՝ ԵՄ արտաքին քաղաքականության ղեկավար եւ ՆԱՏՕ-ի գլխավոր քարտուղարի հետ անձնական բանակցությունները, նշանավորեց թուրքական հռետորաբանությունը փոփոխությունը:
 2020-ի փետրվարին ԵՄ-ն TPAO-ի երկու ղեկավարներին, այդ թվում՝ դրա փոխնախագահ Մեհմեդ Ֆերրուխ Աքալինին, ընդգրկեց սեւ ցուցակում: ԵՄ առաջնորդների դեկտեմբերին կայացրած որոշումից հետո ԵՄ-ն պետք է պատժամիջոցներ կիրառեր խորհրդի ավելի շատ անդամների, այդ թվում՝ TPAO-ի նախագահ Մելիհ Խան Բիլգինի նկատմամբ:

Անկարան հերքում է ցանկացած հանցագործություն եւ առաջարկվող պատժամիջոցները «կողմնակալ եւ անարդար» է համարում: Հունաստանը եւ Կիպրոսը, որոնք հաստատապես աջակցում էին Ֆրանսիան, ցանկանում էին պատժել Թուրքիային վիճելի ջրերում թուրքական նավերի կողմից նավթի եւ գազի որոնման համար: ԵՄ-ն Էրդողանին մեղադրում է նաեւ ժողովրդավարության եւ անկախ դատարանների եւ ԶԼՄ-ների քայքայման մեջ: Սակայն Մերկելը, ով, ինչպես սպասվում է, կհեռանա այս տարեվերջին, կողմ է հանդես եկել այն մոտեցմանը, որում ԵՄ-ի համար առաջնայինը ներդրումներն են Թուրքիայի մեջ, Մակրոնը եւ Հունաստանը միացել են նրան, ասել են դիվանագետները: Նրանց խոսքով՝ ԵՄ առաջնորդների զեկույցը Թուրքիայի հետ հարաբերությունների վերաբերյալ, որն ի սկզբանե պետք է թվարկեր տարաձայնություններն էներգիայի, մարդու իրավունքների եւ միգրացիայի հարցերում, այժմ իր բնույթով չեզոք կլինի: Քրդամետ «Ժողովուրդների ժողովրդավարություն» կուսակցությունն արգելելու Թուրքիայի դատախազի դիմումը դժվար թե վերակենդանացնի պատժամիջոցների մասին որեւէ խոսակցություն՝ չնայած ԵՄ-ն կարող է քննարկել դա, հավելել է մի դիվանագետ:

Էրդողանի արտաքին քաղաքականության խորհրդական Իբրահիմ Կալինն Անկարայում անցած շաբաթ հանդիպել էր ֆրանսիացի եւ գերմանացի քաղաքական խորհրդականների հետ: Ակնկալվում է նաեւ, որ ուրբաթ Էրդողանը վիդեոխորհրդակցություն կանցկացնի ԵՄ խորհրդի եւ ԵՀ ղեկավարների հետ:

Անկարան ցանկանում է առաջընթաց գրանցել թուրքերի՝ առանց վիզայի ԵՄ ուղեւորությունների իրավունքի հարցում, վերականգնել իր առեւտրային համաձայնագիրը եւ ճանաչել ածխաջրածինների նկատմամբ իր պահանջները:

Ակնկալվում է, որ ԵՄ-ն 2022 թվականից նոր միջոցներ կտրամադրի նաեւ 4 միլիոն փախստականի համար, որոնց ընդունում է Թուրքիան: Սակայն ավելի ջերմ տրամադրությունները չեն նշանակում, որ ինչ-որ բան որոշված ​​է, հայտարարել են ԵՄ դիվանագետները՝ հավելելով, որ Թուրքիան առաջընթաց գրանցելու համար պետք է հասնի պահանջվող նպատակներին: ԵՄ-ի՝ Թուրքիայում արտաքին գործերի ներկայացուցիչ Անջելինա Էյհորսթը հայտարարել է, որ ԵՄ-ն պետք է արդարացնի Անկարայի սպասելիքները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կշարունակենք աջակցել ՀՀ-ում ժողովրդավարական բարեփոխումների գործընթացին. Վիկտորինին՝ Ալեն Սիմոնյանին
ՀՀ ԱԺ նախագահ Ալեն Սիմոնյանն ընդունեց Հայաստանում ԵՄ պատվիրակության ղեկավար, ԵՄ դեսպան Անդրեա Վիկտորինին...
Բորելը եւ Իրանի արտգործնախարարը քննարկել են ԳՀՀԾ-ի շուրջ բանակցությունները վերսկսելու անհրաժեշտությունը
Իրանի արտգործնախարարը հավաստիացրել է մոտ ժամանակներս բանակցությունները վերսկսելու պատրաստակամության մասին...
ԵՄ-ն կարող է վերանայել ԱՄՆ-ի հետ հարաբերություններն Ավստրալիայի հետ գործարքից հետո
«Եվրոպայում, իհարկե, սաստկանում է այն զգացումը, որ մեր անդրատլանտյան հարաբերություններում ինչ-որ բան խզված է...
ԵՄ երկրները համերաշխություն են հայտնել Ֆրանսիային Միացյալ Նահանգների նկատմամբ
Արտգործնախարարները համերաշխություն են հայտնել Փարիզին Վաշինգտոնի նկատմամբ՝ Ավստրալիայի կողմից սուզանավերի վերաբերյալ համաձայնագրի խափանման կապակցությամբ...
Եվրահանձնաժողովը Ֆրանսիայի հանդեպ ԱՄՆ-ի եւ Ավստրալիայի գործողություններն անընդունելի է անվանել
Մենք ուզում ենք հասկանալ, թե ինչ է տեղի ունեցել եւ ինչու․․․
Համագործակցության համաձայնագիր է ստորագրվել ՀՀ ոստիկանության և Եվրապոլի միջև
Իրենց ելույթներում ՀՀ Ոստիկանության պետ գենեալ-մայոր Վահե Ղազարյանը և Եվրապոլի գործադիր տնօրեն Քերթին դե Բոլը կարևորել են համաձայնագրի…
Ամենաշատ